𝗦𝗲𝗿𝗯𝗮 𝗦𝗲𝗿𝗯𝗶 𝗠𝗲𝗻𝗷𝗮𝗱𝗶 𝗪𝗮𝗹𝗶 𝗞𝗲𝗹𝗮𝘀

 𝗦𝗲𝗿𝗯𝗮 𝗦𝗲𝗿𝗯𝗶 𝗠𝗲𝗻𝗷𝗮𝗱𝗶 𝗪𝗮𝗹𝗶 𝗞𝗲𝗹𝗮𝘀

~~~~~~~~~~~~~~~~~~~~~~~~~~~

𝐵𝑦 𝑇𝑒𝑘 𝑁𝑢𝑛

Samanjak dinobatkan manjadi guru alias mencerdaskan anak bangsa secara resmi, dari tahun 2009 sampai kini hari, Etekmu ini Acok dipicayo manjadi wali kelas. Padohal, diri ko bukan termasuk guru favorit. Terbukti saat peringatan Hari Guru tak banyak bunga yang sampai di meja. 

Kata nak gadis di rumah, " Itu tandonyo Ibuk bukan guru idola." 😀

Yo Baa ka manjadi guru idola, banyak miang nan salah di Mato Etekmu ini. Ndak ba masuak baju, salah. Ndak rapi pakaian katiko masuak kelas, salah. Pakai sandal dalam kelas, salah. Talambek masuak kelas, basuruah mintak surat izin ka meja piket. Acok talambek datang ke sekolah, panggia urang tuo atau minimal diskusi via telepon. 

Lalok dalam kelas, salah. Langsuang Kanai interview.

"Manga awak samalam? Batanggang? Main hp? Mambantu urang gaek? Atau ado karajo?" 

Acok bamanunag-manuang dalam kelas baitu pulo, langsuang kanai sapo. 

"Jan bamanuang-manuang juo, Nak. Kesurupan beko, Ibuk ndak pandai marukiyah do," kecek Etekmu manyapo siswa. 

Baa pulo Etekmu ini ka jadi guru favorit, jan ka mamiliah, mancaliak Etekmu lewat sajo lah garik anak-anak. 😀

Baitu pulo kalau Ado anak nan bermasalah jo bakasus. Di Mato etekmu salah yo salah. Sudah tu dinasehati dan berjanji untuk menjadi lebih baik. Beri kesempatan untuk memperbaiki diri menjadi lebih baik. Alias tobat. 

Namun, terkadang tidak semua siswa berubah menjadi lebih baik. Malah semakin dinasehati semakin menjadi-jadi parangainyo. Sarupo urang mancari-cari perhatian alias MPO. Jaleh Etekmu ini golongan amak-amak yang sabarnya setipis kulik limau.

Karano kan bukan si Buyung Karuik ko sajo nan butuh perhatian di dalam kelas. Anggaplah, nan bamasalah ko namonyo Buyung Karuik. Nan lain butuh perhatian pulo, kan?

Kalau dek Etekmu, masalah ko bajanjang naiak batanggo turun. Memanglah ketentuannyo mode tu. Lah diputuskan di sidang rapat.

Masalah partamo, sakali duo kali dinasehati dek wali kelas. Bisa langsuang di TKP atau bisa juo di dibao maota ka kadai bakwan. Kaduo, jikok masih baulah juo, baok maota ka ruang BK. 

Nah, di siko Ndak bisa maota kariang sajo lai. Haruslah ado perjanjian hitam di ateh putiah. Perjanjian secara tertulis yang ditandatangani oleh siswa yang bersangkutan, wali kelas, dan guru BK. Jika masih baulah, paralu bantuan amak jo apak kanduang lai. Ndak talok dek amak sambuang sajo do. 

Nah, kalau lah samo urang tuo, terkadang baragam pulo persoalan yang muncul. Ada orang tua yang bisa menerima kesalahan anaknya. Saling menasehati, wali kelas, guru BK, dan orang tua. Namun, sering juga ditemukan hal-hal yang tidak diharapkan. 

Ada orang tua, setelah dijelaskan panjang kali lebar permasalahan anaknya nan lengkap jo bukti tertulis dan foto, mereka tetap ngotot menyampaikan, anaknya soleh dan solehah. Semua bukti di anggap tak berarti.

Pokok e, anak mereka rajin, patuah, jarang keluar rumah, tak suka keluyuran. Sekali-kali adalah dia pulang malam atau tidak pulang ke rumah, katanya tidur di rumah temannya.

Sementara di sekolah, Kito bakuhampeh managak an kapalo anaknyo. Tibo di sekolah acok talambek, tugas ndak bakarajoan, dalam kelas ngantuak taruih. Pukua 8 lah berapi-api kuok nyo nak lalok. Nan ndak bisa dilarang ditagah. 

Kalau lah mode ko, baluruih an sajo bak pepatah rang awak lai: Ditagah indak tatagah, disuruah bana molah nan lai.

Tapi ndak lo sampai basuruah do. Paliang kalau lah panek basorak, babia sajo lai. Habis Pulo wakatu awak dek nan surang tantu ndak mungkin. Samantaro nan lain sumangaik 45 untuak baraja. Pakai ilmu icak icak ndak tau sajo lai. Dalam hati, "Sia lah apak jo amak no go?" Padohal Amak no badan diri. 😀

Kalau dicaritoan pakaro jadi wali kelas ko, amuah lo sudah ciek buku nyo. Satiok hari, satiok wakatu, ado sajo pakaro nan harus disalaisaian.

Anak nan talambeklah, nan hanyo pai ma ambiak absen sajo anak ko pai sakola. Sudah tu ribuik Amak jo apak no manelpon. 

"Tadi lai pai sakola no, Buk. Babungkuih an nasi tadi tu. Abak no ma anta-an sampai ka gerbang." 

Caliak ka kelas, jan kan anak, baunnyo sajo ndak tibo di kelas do. 

Lai juo nan pai lalok sajo ka kelas. Tibo di kelas dibaenyo lalok gadang. Kawannyo bakuhampeh buek tugas, ano bakuhampeh dalam mimpi. 

Tapi ndak sado no pulo nan mode iko do. Paliang dari 30 urang siswa adolah agak surang jo baduo. Ka untuak mauji kesabaran wali kelas. Insyaallah bisa ka panambah-nambah amal ibadah. 

Mano tau ndak cukuik dek ibadah nan limo wakatu sajo, bisa lah dicukuik an jo amal mampaluruih jalan anak-anak supayo nak jadi urang isuak. Mudah-mudahan nan ka jadi urang juo lah anak-anak nan mode tu. Untuang isuak jadi urang nan sukses dan menjadi kebanggaan dek urang tuo no.

𝐵𝑖𝑟𝑖𝑎𝑘-𝑏𝑖𝑟𝑖𝑎𝑘 𝑡𝑎𝑏𝑎𝑛𝑔 𝑘𝑎 𝑙𝑢𝑎𝑘

𝑇𝑖𝑏𝑜 𝑑𝑖 𝑙𝑢𝑎𝑘 𝑚𝑎𝑘𝑎𝑛 𝑏𝑖𝑗𝑜

𝐽𝑖𝑘𝑜𝑘 𝑘𝑖𝑛𝑖 𝑝𝑎𝑟𝑎𝑛𝑔𝑎𝑖 𝑐𝑖𝑛𝑔𝑘𝑎ℎ𝑎𝑘

𝑈𝑛𝑡𝑢𝑎𝑘 𝑖𝑠𝑢𝑎𝑘 𝑗𝑎𝑑𝑖 𝑟𝑎𝑛𝑔 𝑘𝑎𝑦𝑜

Kayo ilmu

Kayo iman

Kayo hati

Kayo harato

#menulisituasyik 

#menulisituekspresidiri 

#menulisitumenyembuhkan