Dek Karano

"Baa kok lamo bana ma angkek hp tek?" Tanyo tek nun dari subarang.

"Eh...tek nun ma. Maaf, tadi tek mia ka pasa sabanta. Apo kaba?"

"Ndak ado do. Lah taragak lo tek nun jo tek mia. Apo nan babali ka pasa kok salamo itu bana?"

"Ndak tantu se nan ka dibali do. Rencana ka mambali nan kasamba untuak laki tersayang. Tapi dek baganyia samalam lah hilang se aka etek di pasa."

"Tu apo nan etek bali."

Baru sajo ma anyak ikua di rumah, bukannyo ma masak, ma ota lamak lah sumandan pasumandan ko. Yo badaso bana Mak Cako dapek bini. Sabana sa iyo sakato bana jo tek nun. Sa salero bana jo tek nun.

Kadang Mak Cano heran2 se. Baa kok saparangai bana lah bini jo kamanakan ko. Padahal urang ko sabalumnyo ndak saling kenal do. Antah apo pulolah mako e sa ide bantuak tu.

"Tu ka etek pangakan talua ayam tu?"

"Antahlah. Ndak tantu do. Dipangakan rancak tek nun?"

"Dibuek kabola amuah juo tu tek. Atau untuak mambae kapalo botak Mak Cano?"

"Ma agiah ide nan ka iyo2 se lah tek nun. Jan nan ka mambuek cakak juo. Baru samalam etek bacakak jo Mak Cano baru."

"Haaa bacakak baa pulo. Jan bacakak2 juo. Beko tek nun carian Mak Cano bini ciek lai beko."

"Kok lah panek mangecek kecek an se lah tek nun. Jan disuruah lo etek marando. Tek nun kecek an sanang iduik marando." Emosi tek mia mulai tagak tali.

"Iyo Tek Mia ndak lo ba agak2. Maso lah sa gaek2 bacakak ka bacakak juo. Kok ndak katuju Mak Cano lai, kecek an dari kini2. Kan jaleh lo kama ka di arahan kapalo oto ko."

Lah hampia sa jam manelpon, alun juo sudah2 lai. Lah nak manateh lo talua ayam nan ba bali dari pasa cako masih juo manelpon urang nan baduo ko.

"Alah manelpon tu Tek, lah angek2 den ko a," protes talingo.

"Saba lah lu. Kok ndak amuah karajo samo anti jadi talingo. Jadi kupiang gajah se," nan kecek Tek Mia.

"Bato tek. Kareh bana mah. Nan sabana e lah. Amuah etek ndak batalingo?"

"Jan lai. Sadangkan ndak pakak lah kanai bangak juo. Apo lai kok ndak batalingo."

Lah baterai sajo nan mamisahkan urang nan baduo ko. Antah hp sia nan alah habis batrainyo. Nan jaleh prmbicaraan urang ko taputuih tanpa ado kato2 penutup.

"Astaga...alah jam satangah duo baleh," pakiak tek mia mancaliak jam dindiang.

Sabanta lai tibo pulo Mak Cano di rumah untuak makan siang. Nan samba alun juo masak lai. Apo lah nan ka dijawab beko kalau mak cano pulang.

Mako bagageh2 lah tek mia mambao talua nan ba bali di pasa cako ka dapua. Dek saking capeknyo baradu lah talua cako jo suduik meja.

Mancaliak talua pacah, lah pacah pulo pangana tek mia. Iko pertando apo. Jan jan mak cano? Babagai macam dalam pikiran tek mia. Takana sakali kesalahan malam tadi mambalakangi laki lalok. Langsuang tasirok darah di dado.

Ndak tantu nan ka disabuik lai. Sahinggo tek mia ndak jadi mamasak. Nan hp bacari sakali untuak manelpon laki tersayang.

Kringgg...
Kringgg...

Hp Mak Cano ndak aktif lai...

#menulisitusedekah
#menebarvirusbahagia
#membagienergicinta