Ulah Pao Itiak

Ulah Pao Itiak
By Noer

"Lah dima Mak?"

"Ko masih di pasa koto baru. Macet," jawab Mak Cano dari subarang.

"Sorang se Mak?"

"Iyo." Jawab Mak Cano.

Mandanga Mak Cano lah di Koto Baru samakin bagageh tek nun di dapua. Samba nan masih di dalam kuali basalin ka mangkuak. Ndak tangguang sanang hati tek nun dek arok ka basobok jo kakak. Yo lah ampia lo satahun ndak basobok. Samanjak rayo lai, lah ka rayo pulo sakali lai baru ka batamu.

"Markooooon," sorak tek nun ma imbau Markonah.

Mode ko lah kini anak gadih. Ndak tantu dek karajo. Kok karajo samo jo paek. Kok ndak di tokok ndak makan mato e do. Beda jo awak sa isuak.

Kok awak sa isuak, tadanga sajo sanduak bacakak jo pariuak tibo sakali di dapua. Kok pagi ba itu pulo. Tadanga sajo tangkelek ba bunyi langsuang jago.

Kini, lah bakatuntang awak di dapua nan anak gadih co urang ndak tau se. Nyo sibuk sajo jo hp. Kadang co urang gilo. Nan galak2 surang lai juo.

Apo lai samanjak ado tak tik tok ko a, batambah banyak urang nan ka gilo. Agak marusuah keadaan kini. Nan gilo sajo alun tantu ka sehat lai. Nan ka gilo lah banyak pulo antriannyo.

Ondeh, indak tadanga awak mamimbau dek inyo do. Di ulangnyo sakali lai dek tek nun

"Markonaaaaaah," sambie manokoh belek kosong jo sendok pangacau samba.

"Iyo buk, sabanta," jawab markonah sambi balari ka dapua. Nan hp jo handset ndak lapeh dari talingo.

"Sabanta ka sabanta juo. Lah cabiak muncuang den dek ma imbau indak juo tadanga. Pakak kok talingo?"

Naiak darah tek nun ka ubun2 mancaliak nak gadihnyo. Untuang lai takana jo nan bana dek tek nun. Kok indak lah habih markonah nyo rapai rapai. Manggaritiah tek nun mancaliak.

"Sabanta lai Mak Cano tibo lai. Jan mode urang gilo juo. Atau taragak lo nak mancaliak Mak Cano berang?"

"Emang pamberang Mak Cano, Buk?" Tanyo markonah ka tek nun.

Ko nyo anak2 kini. Ndak tantu awak nan berang dek inyo do. Lah manggalagak banak awak dek berang, inyo mode urang ndak basalah se. Ka baa kecek awak. Kok ka di siampa kalera juo ayahnyo nyo lah payah mancarian makan. Nan awak induak nyo baitu pulo. Dari ketek lah bagadangan. Kini lah gadang ka di bangak2 juo. Tantu ndak mungkin. Tapaso saba dipabanyak.

Mancaliak mandenyo berang, nan markonah malapeh an handset dari talingonyo. Nan hp nyo latak an dalam katidiang bawang.

Diangkeknyo mangkuak nan lah diisi samba dek tek nun ka ateh meja. Mulai dari goreng baluik, kalio jariang dan itiak lado ijau. Dan ndak lupo anyang pucuak kalikih. Nan karupuak jangek tantu ado pulo. Disusun lah sasuai parentah. Kalau salah2 latak bisa bakatuntang muluik tek nun. Karano tek nun ko urang nyo sabana jelimet.

"Assalamualaikum," tadanga suaro dari lua.

"Waalaikum salam."

"Capek bukak pintu. Mak Cano mungkin tu," kecek tek nun ka markonah.

Nan tek nun bagageh ka balakang ma imbau laki atu2nya.

"Emang laki tek nun bara urang?" Tanyo pisau kater.

"Lai ciek baru."

"Tu kabatambuah kok tek nun?"

"Antah...ciek sajo lah ndak usak, kabatambuah pulo nan ba sabuik."

"Udaaaa oi udaaaa, Mak Cano lah tibo," sorak tek nun sambie malambaikan pisau kater di tangan suok.

Ondehhhh...tasirok darah laki tek nun nan sadang mancing mania di tapi tabek.

"Indak do diak, ampun. Lai ndak ka uda ulang lai," jawek uda tek nun sambia ba mohon2.

"Dek apo uda. Mako e jan manciang ka ma manciang juo pangana. Ilang aka dek nyo tu."

"Indak lai diak, indak," masih jo raso takuik.

"Capek lah daaa. Mak cano lah tibo ko a."

"Yo jadihhh..tapi jan lah malambai2an pisau juo. Lamah jantan uda.

"Jan lamah sakali. Ndak ibo uda jo bini nan bohay ko," manjawek sambia bagarah.

"Panjang kok Macet, Da?" Tanyo laki tek nun ka Mak Cano.

"Iyo. Lah bakuah badan dek duduak."

Dek lamak carito lah lupo se tek nun ma ajak Mak Cano makan.

"Lah kariang nasi diak?" Tanyo laki tek nun.

"Alah...dari tadi lai. Molah makan awak lai Mak. Ko basangajo bana mambuek samba nan katuju dek mamak ko?" Kecek tek nun.

Nan mak cano baitu pulo. Lah naiak jakun2 nyo mancaliak paho itiak. Lah raso di bibia tapi cawan. Kok dibandiangkan jo masakan tek mia, alun basuo2 lai. Tek nun masih juara kalau masalah masak mamasak.

Ulah paho itiak balado, lupo jo tek mia. Lupo ma agiah tau baraso mak cano lah tibo di bukik. Antah apo pulo nan ka tajadi. Kito danga pulo status tek mia bisuak.

#virusbahagia
#membagienergicinta
#menebarvirusbahagia