Mamburansang

Mamburansang
By Noer

Nan sahari tadi yo sabana angek sanak. Mangipeh2 awak dibueknyo. Sudah lah hari angek, nan suasana hati sato pulo tabaok rendong.

"Baa kok mantun tek nun?" Tanyo kulik pisang.

"Antah lah. Baa ko lah mako saangek ko hari. Nan batang kayu lah samakin bakurang juo, tantu ndak ado nan manghalangi paneh matoari.

Baru sajo tek nun mancaliak hp, lah tampak status tek mia jo mak cano. Tek mia sabana mamburansang mancaliak tontonan malam tadi. Bak kecek mak cano, disabuiknyo sagalo caruik. Sampai tabusai isi paruiknyo. Lah lunak tipi dimato tek mia.

Baa ka indak sanak. Sarancak2 itu anak gadih bisa lo bagaya mode tu. Dan tek nun yakin mereka nan tampil di tipi samalam bukan sembarangan anak gadih. Tapi anak2 nan bapendidikan. Sebagian besar alah manyandang gala sarjana.

Tapi sanak, ndak nan ka disabuik lai. Mancaliak baju nan di pakainyo, yo ma uruik dado wak deknyo. Baju nan dipakai haragonyo salangik, tapi samo jo batalanjang. Awak lo nan malu mancaliaknyo.

Baa ndak ka mamburansang tek mia. Nyo ampeh an buliah tipi tu. Ndak ado nan sinereh baju gadih2 rancak tu do. Baju lai ma apuih lantai, tapi balah nyo maaaak...saluang se lah nan ka manyampai an.

"Baa nyo tek mia, sia nan manang malam tadi," kecek tek nun manelpon tek mia.

"Ka dek den du. Sia nan ka manang lah. Ndak ado labo rugi nyo dek den do," jawek tek mia jo emosi.

"Ondeh...baa ko emosi kali tek?"

"tek nuuun...indak kok manonton tipi. Lah heboh urang se Indonesia nan tek nun mode urang ndak tau juo."

"Ndak manonton baa pulo kecek etek ko?"

"Yo kok lai manonton baa ndak tau. Lah heboh urang dek paja nan santiang tu a"

"Sia tek?"

"Alah maaak...yo sabana tulalit tek nun ma. Ndak nan tantu ciek juo. Tu apo nan tek nun tonton."

"Nonton soimah galak2."

"Ondeh...iyo sabana ndak uptudate tek nun ko do. Tanyo2 lah ka uda goole beko. Tek mia maleh mancaritoan. Manambah2 karuik kaniang se tu nyo.

Dek lah mode tu, mako tek nun tutuik sajo pembicaran samo tek mia. Tek nun langsuang tanyoan ka uda google apo nan tajadi samalam. Ruponyo iyo..sila 1 sampai 3 lancar. Tibo di sila nan ka 4 jo ka limo, lah bakateloh lidah paja. Ndak tantu nan ka nyo sabuik lai.

Patuiklah mangkaturuah caruik tek mia. Ndak ciek2 nan mabuek samak incek matonyo do. Sudahlah pancasila ndak hafal, baju banyak lo nan tabukak dari pado nan tatutuik.

Nan mak cano bukannyo mambela tek mia, malah babelok mambela urang nan dalam tipi tun. Batambah murka molah tek mia. Mako e batambah2 angek kapalo tek mia. Sampai sanjo tadi masih alun reda tek nun danga lai. Masih ba turo2 juo baru.

"Kok ka baturo2 ndak usah manonton tipi diak," sapo mak cano.

"Tu baa dek uda, ndak buliah adiak manonton?" Jawek tek mia jo emosi.

"Buliah lah, baa pulo ndak ka buliah. Awak nan mambali mah. Tapi jan manonton nan ka mambuek sakik kapalo," kecek mak cano.

"Sakik kapalo lai indak do, tapi sakik hati."

"Itu nan labiah parah diak. Ka batambah pulo panyakik dek manonton, jua se lah tipi tu lai. Manambah-nambah pitih kalua sajo tu nyo."

Uda baa ko. Sagalo ndak buliah se dek uda mah. Manggaleh online ndak buliah, kini manonton tipi ndak pulo buliah, kok ndak bunuah se lah mia dek uda lai. Nak sanang bana hati uda."

Ondeh...tambah manjadi2 tek mia sanak. Tek nun ma ilak cah lu. Beko jadi pembunuh tak berwajah pulo tek nun beko.

Assalamualaikum...

#menulisitusedekah
#menulisituibadah