Tek Nun Manggaleh Bajojo

#t

antanganharike16
#tantanganmenulismediaguru

Tek Nun Manggaleh Bajojo
By Noer

Bantuaknyo yo ndak amuah rasaki ko di nantian sajo do sanak. Harus japuik bola wak. Kalau manggaleh bajojo Tek Nun baa nyo sanak?

Karano kalau tetap bantuak ko pandangaran, ndak bisa Tek Nun bertahan do sanak. Maaf sanak, bukan Tek Nun suuzhon sanak. Sepanjang informasi nan Tek Nun danga yo agak marusuah tadanga.

Cubo danga dek sanak, babarapo pelanggan Tek Nun, ado nan manyampaikan ka Tek Nun mode ko,

"Apo untuangnyo balanjo tampek Tek Nun tu? Awak rancak, santiang lo lai. Ndak level balanjo di lapau bantuak tu do. Carilah lapau nan labiah bermutu," pengakuan babarapo pelanggan Tek Nun.

"Baa manuruik sanak, kalau sanak yang di gituan kawan seperjuangan?"

Tapi walau pun Tek Nun dapek perlakuan nan mode tu, pelanggan nan lah kanai hati jo galeh Tek Nun, lai ndak bakucak imannyo do. Tetap juonyo balanjo ka lapau Tek Nunnyo.

Kok dibandiang an jo lapau urang lain, rasonyo lai lo ndak kalah saing isi lapau tek Nun do. Apo lai harago, lai ndak maha-maha bana do. Tapi antah apo pulo lah mako kawan-kawan nan samo manggaleh ko bingik taruih se. Kurang manggarati pulo Tek Nun nyo.

Makonyo Tek Nun pacik an sajo pasan juragan, "Kalau gulo tetap akan di kaja samuiknyo." Anjing menggonggong kafilah berlalu."

Makonyo tadi, Tek Nun jo rekan-rekan sejawatlah namonyo, ma adoan rapek-rapek mancik. Untuang lo lai mancik ndak sato. Kalau sato nyo tantu lah bocor pulo informasi.

Dari hasil rapek nantun, dibueklah semacam kesepakatan, bantuaknyo yo harus japuik bola Tek Nun sanak. Ndak amuah dinantian sajo do.

Sudah tu, ado usulan dari karean Tek Nun untuak pa umbuak hati pelanggan. Misalnyo, kalau ado yang balanjo 100 ribu, dia agiah lah bonus gulo-gulo tareh agak ciek. Kalau agak banyak dari itu mungkin bisa hadiahnyo piriang kanso agak ciek jo duo.

Kalau salusin pulo, ta uncang galeh Tek Nun. Tamakan pulo pokok beko.

"Baa maniruik sanak, lai coga usulan karean tek Nun?

Kalau menurut Tek Nun, coga bana usulan tu. Untuak pa ambiak hati pelanggan barugi agak ciek gulo-gulo tareh, rasonyo ndak ka ma usak i nan banyak do. Biaso lah, untuak ma ambiak untuang iyo barugi sabanta lu. Kecek urang awak, "asa lai paruih kanyang, bia lah tanduak bakubang."

Ok, lah sanak. Bisuak-bisuak kok tadanga suaro Tek Nun basorak, bagageh yo sanak. Karano Tek Nun ndak banyak-banyak bana pulo mambao galeh do. Bara ka habih sajo. Nan lambek tantu ndak dapek bagian lai.

Panyariang sajo talingo sanak. Tadanga suaro Tek Nun capek kalua rumah. Yang lambek-lambek jan ma upek kalau ndak kebagian. Sia yang capek mandapek. Ndak ado carito bapasan-pasan do.

Beko jan bakaciak hati pulo sanak. Tibo di mato ndak bapiciangan, tibo di paruik ndak bakampih an. Dimato Tek Nun sadonyo pelanggan. Ndak ado istilah, iko anak, iko kamanakan, iko anak pak wali, iko anak urang bagak. Sadonyo samo.

Jan sampai ta ulang pulo kisah sangkek nambai. Dek ndak bapanuhi kandak, bagembok pulo pintu lapau kawan. Baa pulo kawan ka manggaleh. Tu ndak masuak gaya sanak tu do.

Tapi karajo sanak nan mode itu salah. Namonyo sajo urang manggaleh. Ndak bisa dilaluan ka pintu, ka jendela molah urang balanjo. Mala ado pulo yang ka lubang dindiang nyo balanjo.

Namonyo sajo lapau. Tantu banyak urang nan butuh. Nyo cari molah jalan lain. Ndak bisa pintu muko, pintu balakang bagai.

Awak yang ka mancilabie mancaliaknyo. Tanago habih, nan usaho kawan lanjut juo. Manambah-nambah kurok hati sajo tu nyo sanak. Pado mangarajoan nan bantuak itu, rancak mancari pitih lai. Bisa lo panambah-nambah tabungan untuak naiak haji.

Baa manuruik sanak? Lai suai?

Ok lah sanak, dek lah tadanga pulo urang mangaji di musajik, sampai di siko sajo carito awak samantaro. Bisuak Tek Nun sambuang jo carito nan lain pulo.

#tantanganmenulis30hari
#mediaguru