Tek nun cubo pulo baraja manjaik nyo sanak. Kecek urang, kalau pandai wak manjaik tapokok murah mambali baju. Baa ka indak, bali kain agak duo atau tigo meter, lah dapek lo baju sahalai. Paliang maha tapokok saratuih ribu lah babaju rancak pulo tek nun.
Baa sanak, lai cocok paretongannyo tu?
Mako, mulai lah tek nun baraja di kelas manjaik nan terkenal tu. Pertemuan partamo, dimulai jo materi tanyo jawab tentang warna kain. Tantu iko pertanyaan enteng bagi tek nun. Tek nun bae menjawab sarupo banyanyi.
Balonku ada lima, rupa-rupa warnanya...dst
Pelangi-pelangi alangkah indahmu....dst
Dek nyanyi sangkek kaciak-kaciak tantu lai mudahnyo. Dek ingatan lai lo masih kuaik. Tapi kadang iyo lah banyak nan lupo dari pado nan takana. Kadang tabaliak-tabaliak. Tapi yang penting banyanyi.
Itu hasil pertemuan partamo. Baraja mengenal warna. Mungkin pak guru ko ma uji2 ingatan. Maklum kapalo muridnyo lah tumbuah uban ciek-ciek. Untuang tek nun lai basongkok kapalo, tantu lai ndak nampak dek pak guru lah ba uban atau alun. He....
Pertemuan kaduo, mulai maningkek. Pak guru mulai memperkenalkan babarapo contoh pola. Mulai dari pola sederhana sampai pola nan mambuek kapalo pana.
Tapi dek sumangaik nan tinggi, bacubo juo taruih. Sampai bakaringek ka sado badan. Dari kuku se karingek yang ndak kalua lai. Baitu bana sumangaik nak baraja.
Lah bantuak tu sumangaik baraja, nan pola baju ko alun juo2 siap2 lai. Manggaritiah tek nun sanak. Lah tipih karateh simin dek ma muta2. Nan pola baju ko alun juo ba bantuak lai.
Pertemuan katigo, lah mulai nampak bantuaknyo. Ndak tangguang sanang hati tek nun do. Lah raso di bibie pulo tapi cawan. Lah raso ka dibuek sagalo mode baju. Mulai dari nan sederhana sampai nan paliang bagaya.
Lah tabayang pulo baju gaun mode sinderella. Tapi mancaliak postur tubuh tek nun suruik langkah. Bantua badan tek tun lai profosional nyo sanak. Bantuak gitar spanyol. Ketek....melengkung...tapiiiii...tibo di nan malengkung ko ndak bisa di bentuk lai. Sampai disitu se meterannyo. Tasangkuik....
"Maksud tek nun?" Tanyo tukang jaik.
"Manggarati se lah. Kalau kurang paham tanyo ka meteran."
Lah tibo pulo pertemuan nan ka ampek. Partamo masuak, penampilan pak guru ko yo samakin gagah. Lah tabayang dek tek nun materi nan ka liau agiah. Dan tek nun berharap, pola cako bapindahan ka kain. Jadi setidaknyo, walau pun baraja, sudah pulo baju agak sahalai. Tapi itu kan maunyo tek nun.
Kelas lah bajalan sekitar satu jam. Tek nun paratian2 nan pak guru ko masih membahas masalah pola. Dek tek nun tamasuak murid nan jenius. Cie cie...mako lah mulai agak muak. Maso lah ampek kali pertemuan pola ka pola juo. Mako mulai manurun salero baraja tek nun. Tek nun bae lah manggambar-gambar dalam kelas.
Apo nan tek nun gambar kok iyo sanak? Ado nan bisa manjawek?
"Gambar baju?"
Salah...
Gambar bungo?
Salah...
Tu apo nan tek nun gambar?
Bantuak ndak tau se sanak kemampuan tek nun ma. Apo lo lai kalau ndak gambar gunuang, batang aia langkok jo ikannyo, rumah, dan sawah di tapi jalan. Ado lo batang karambia sabatang. Ndak lupo gambar matohari di baliak gununang. Samanjak sa isuak sampai kini cuma gambar itu yang bisa tek nun nyo.
Babarapo harian sasudah tu, tibolah hari nan ka limo. Tek nun sabana arok ka dapek materi nan labiah. Kalau pun ndak materi baru setidaknyo nan pola nan alah siap ko lah bisa dipindahan ka kain. Dan tek nun baraja manggoyang-goyang masin.
Pak guru masuak jo semangat nan labiah pulo dari muridnyo. Kelas dibukak jo memberikan wejangan. Intinyo jan patah sumangaik. Karano manjaik adolah baraja yang mementingkan kesabaran dan imajinasi.
Namun, perkiraan tek nun maleset. Apo nan diharapkan sabana2 maleset pulo ruponyo. Materi masih baputa2 sekitar pola. Ndak amuah di ajak kompromi lai sanak. Bia se lah pakguru tu mancancang pola. Nan tek nun permisi cah lu.
"Ndak jadi buek baju?"
"Jadi dong. Ko tek nun sadang manjaik,"
"Manjaik apo?"
"Manjaik hatiku dan hatimu. Bia hati kito menyatu..."
Cie
Cie
Cie
Juragan baju karuang simin romamtis eeee!!!
#virusbahagia
#menulisitusedekah
Tidak ada komentar:
Posting Komentar