Tek Nun Manggaleh Duku

#tantanganharike24
#tantanganmenulismediaguru

Tek Nun Manggaleh Duku
By Noer

"Baa sanak, dek kini sadang musim, Tek Nun cubo pulo manggaleh duku baa nyo sanak?"

"Sadonyo ka Tek Nun rambah mah. Agiah lo lah jatah kawan," protes kulik duku dari tong sampah.

"Tu baa ndak buliah Tek Nun ba usaho?"

"Buliah, tapi jan lah sado e ka dikakok. Mentang-mentang suaro gadang bak kato awak se pasa."

"Trus, masalah buat lo? Emang kalau Tek Nun manggaleh, bakurang pulo rasaki urang di pasa?"

Kulik duku pana mancaliak ka Tek Nun. Tanpa menjawab inyo pai jo muko kurang lamak. Mungkin mukonyo terlalu taba dompolnyo, mako e kesannyo ndak sedap se dipandang.

Bia lah sanak, kok apo nan ka inyo sabuiklah dek kulik duku tu. Asa lai ndak nyo ampok se Tek Nun jo luluak pasa. Nak marunguik-runguik surang lah inyo. Anjing menggonggong ... Tek Nun bae lari kancang.

Antah lah sanak, kok banyak urang nan bantuak kulik duku ko sanak a, Tek Nun kunyah ciek-ciek. Untuang lai kulik duku se nan bantuak tu parangainyo.

Sasak angok nyo mancaliak usaho urang. Oto urang nan mandaki angok e nan sasak. Nan marusuah Tek Nun, kok asma pulo beko. Kan batambah lo pitih kalua. Samantaro pitih masuak mode itu ka mode itu juo baru. Yo antah lai...

Bia lah sanak, kok apo kecek kulik duku tu lah. Yang penting Tek Nun ndak manggaduah kehidupannyo. Paliang sabanta lai kok tibo tukang sampah Tek Nun agiah an. Tiok bulan Tek Nun bayia 10 ribu atau kadang 15 ribu.

Kalau sanak lah yakin Tek Nun. Lai ndak sarupo kulik duku tu do. Sanak urang nan paliang elok, panyapo, panyaba, ndak suko mancikaroi iduik urang, dan rajin pulo basidakah. Ndak kama kawan ka dicari nan sa mode sanak do.

Andeh...nan carito manggaleh dukuu tadi antah dima. Baa pulo lah ko sanak. Lah mode ota lapau pulo gaya Tek Nun. Kamari marancah sajo carito. Ndak konsisten kecek urang kini.

Oke lah sanak, sabana nyo carito yang di ateh tadi baru pambukak carito. Kok basobok sanak jo kulik duku tadi, tolong sampaikan maaf Tek Nun. Bahaso Tek Nun ndak kamanjua duku bagai do. Tapi ka manjua carito nan di bungkuih jo kuliknyo. Alias dibungkuih jo 'COVER'

Malah alun sampai pulo ke tahap manjua lai. Masih baraja-raja baru. Baa cover buku nan rancak. Untuang pak guru tadi pagi mambagi ilmu nan paliang oke. Sahinggo dapek pulo Tek Nun gambaran baa bantuak cover buku nan laku di pasaran.

Kecek pak guru Tek Nun, cover nan bisa menghipnotis pembeli tu ado babarapo kriteria,
1. Judul harus terlihat sangat jelas dari jauh
2. Nama penulis juga harus langsung terbaca
3, warna cerah dan gambar minim namun mewakili
4. Font dan tata letak harus enak dilihat (eye catching)

Itu sanak, jadi Tek Nun pastikan ndak ka manggaduah galeh kulik duku bagai do. Galeh Tek Nun beda dari kadai urang subalah.

#tantanganmenulis30hari
#mediaguru