Tek Nun Kanibal

#utak_atik_otak
#TMB

Tek Nun Kanibal
By Noer

Tek Nun pai ka balai tadi. Rencana ka mambali utak untuak ka digulai. Dek macaliak gulai banak mak Piah samalam manjejeh pulo salero Tek Nun.

Tibo di pasa, langsuang ka los dagiang. Tek Nun caliak suok kida urang mamacik an pisau ka sado alah e.

Ragu pulo Tek Nun kabatanyo. Sahinggo baputa-puta lah Tek Nun sambia mikia kan baa caro batanyo.

"Lai ado utak, Da?
(Tabik lo takuik tuk nun batanyo btk tu. Kok nyo rambah tek nun jo pisau panjang tu beko.

"Lai ado banak, Da?"
Iko labiah parah lo lai. Manggeretek tek nun dek takuik.

Mako tek nun telp lah uni welly, baa caro batanyo nan rancak, sambia manarangan pertanyaan nan tek nun punyo.

Apo jawab uni welly...

"Kok takuik ndak usah batanyo bantuak tu."

"Tu baa nan rancak uni?"

Mode ko se...

"Lai ado paruik, Da?

Mako tek nun cubolah batanyo sarupo nan di aja an uni welly.

"Lai ado paruik, Da," ka urang manggaleh dagiang nan patuik di panggia uda.

"Baa lo kok paruik ambo nan ibuk tanyo. Untuak apo pulo dek ibuk?"

"Ka bagulai rencana, Da."

Mandanga an paruik nyo ka Tek Nun gulai heboh lah urang sapasa. Di sorak an nyo Tek Nun ka urang pasa dek uda tu.

KANIBAAAAAAL...capek manjauah...lariiiiii...

Dek uda tu manyabuik lari, tek nun sato pulo lari....ndak jadilah Tek Nun balanjo samba hari ko.

Kok lai balabiah sanak mambuek samba hari ko, kiriman gai lah Tek Nun agak sapiriang. Untuak hari ko sajo jadilah.

Mokasi sanak. Tek Nun siap-siap untuak  shalat zuhur ciek lu.

Selamat istirahat siang!!!