Ba Utak ka Utak Urang

"Mako e kalau sakola jan asa sakola sajo. Paratian guru manarangan. Jan ba utak ka utak urang. Kalau ka bantuak iko juo ponten, anti sakola. Kabau lai sakandang nan ka di kabalo an tu."

Mugarik baru sajo balalu. Suaro Tek Nun lah mamacah gandang talingo. Antah alah makan antah alun. Nan paja lah babangak sakali.

Selidik punyo selidik, ruponyo Tek Nun sadang naiak tensi mancaliak ponten di buku matematik anak bujangnyo. Angko 3 tatulih di ateh buku petak isi 18.

"Apo se karajo ang di sikola? Tanyo Tek Nun jo rono muko itam bakilek. (Agiah minyak goriang stek).

"Lai baraja nyo."

"Kok lai baraja, manga dapek 3?"

"Yo ndak manggarati den do. Ibuk tu ma aja bangih-bangih se. Talambek manjawek meja nyo tokok sakali jo rol kayu. Tadi se patah rol kayu ciek."

"A tu baa? Lai ndak kanai waang jo patah an rol tu?"

"Lai indak. Ba baliak awah panabangan."

"Nan sabana e lah ko?"

"Iyo. Patah an rol tu mambaliak ka muko ibuk tu."

"Tu baa?"

"Yo kanai lah muko ibuk tu. Tapakiak dek kasakik an. Nan kami tapakiak ka galak an."

"Rancak lah tu. Bia jadi pelajaran dek ibuk tu. Bisuak-bisuak kok ma aja jan bangih-bangih juo."

"Alhamdulillah," ndak jadi kanai bangih. Nan kecek anak cako ma uruik dado. (Dalam hati)

"Apo kecek ang?"

"Untuang ndak kanai sarapiah rol anak Amak. Kok kanai tu rusak pulo coga anak amak."

"Yo yo...pandai na ang baminyak aie."

Horeeee...merdeka💪💪💪🤣🤣😂