#tantanganmenulismediaguru
"Apo nan hilang Tek Nun?" Mungkin baitu dalam pikiran sanak.
Samalam kan si Rogi sakik. Mancaliak kaki nyo badarah dan bajalan manengkak-nengkak, timbua lah raso ibo. Ba ambiak lah minyak But-But, sudah tu batetes an ka kaki si Rigo nan sakik tadi.
"Meeongggg," pakiak si Rogi.
Mandang an si Rogi marawuang, kamano pulo kiro-kiro Tek Nun. Rawuang bukan sumbarang rawuang, tapi rawuang ka sakik an.
Ndak sampai manunggu samalam, nan luko cako lah baransua agak kariang. Lah mulai pandai bajalan.
Hari baransua malam juo. Kebiasaan si Rogi, kalau lah agak malam, nyo mintak kalua pai pup.
Lah lamo dek manunggu ndak juo tadanga suaro meong nyo. Sampai pagi, indak juo ado tando-tando ka pulang. Bacaliak-caliak sakaliliang rumah ndak ado juo nampak sunguiknyo do.
"Mancari kuciang sunguiknyo nan bacaliak, ma ka basobok." Ha ha ha...
Lah sampai pulo siang, sore. Lah baranjak malam pulo hari baliak. Nan si Rogi alun juo pulang-pulang. Yo ibo hati Tek Nun sanak. Maraso kahilangan pulo rasonyo.
"Rogi...pulanglah," dalam hati Tek Nun.
Lah sudah pulo sumbayang magrib, alun juo ado tando-tando si Rogi ka pulang lai. Tek Nun pasrah.
"Kalau lai ka panjang persahabatan awak pulanglah Rogi. Kalau ndak, Tek Nun ikhlas. Maafkan kalau ado Tek Nun salah," mangecek surang dalam hati.
Ndak lamo sasudah tu, tadanga suaro si Rogi ma meong-meong di lua. Ba bukak an lah pintu. Ruponyo iyo lai pulang si Rogi ko.
Ndak tangguang sanang hati do sanak. Langsuang ba agiah makan. Nan si Rogi baitu pulo. Nampak binar-binar cinto dari matonyo.
Ha ha ha...kudoklah granat😁😁😁
#tantanganmenulis30hari
#mediaguru
Tidak ada komentar:
Posting Komentar