"Tek Nun manggilo? Patang masih segeh juo baru," nan kecek si Jon mamprotes urang lapau nan mampakecek an Tek Nun.
Mako ribuiklah ayam sakampuang. Berita tersebar dima-dima. Baraso Tek Nun manggilo.
Nan si Jon dek baru patang pagi basarobok jo Tek Nun indak bisa picayo jo berita nan baredar. Yo baa pulo ka picayo, sasegeh itu Tek Nun. Ota liau ce kalah kotek ayam. Malah Salsabila sajo ba uruik jo liau patang.
Dek urang di lapau yakin bana mangecek an Ten Nun manggilo. Tagaklah Ijon ko dari tampek duduaknyo. Sudah tu babayie kopi nan bamintak satangah cako. Sudah tu langsuang ba gas onda pulang.
Sato tibo di rumah, ba imbau Salsabila anak gadih atu2nyo.
"Caaaa...," bapanggia paja jo panggilan sayang. Tapi suaro agak kareh.
"Bapo sakareh tu bana ma imbau paja da. Talingo nyo lai alun rusak co talingo Tek Nun lai," protes bini si Jon.
"Itu Uda nan rusuah, Yang. Dek sudah ba uruik jo Tek Nun, kok rusak pulo pandangarannyo."
"Bapo kok macam tu. Emang talingo paja kok nan ba uruik patang?"
Heboh lah Ijon jo bini nyo. Ndak tantu nan bapatangka an. Samantaro nan di panggie-panggie ndak juo tampak puncak talingo nyo.
"Cacaaa...Cacaaaaa...," jo volume suaro samakin tinggi.
Mancaliak laki co urang kesurupan, bini cako lah sato pulo ribuik. Nan laki, lain tanyo lain pulo nan nyo jawek. Ribuikkk...
"Dek lah pasai mancari, basobok lah anak cako sadang main jo kuciang kasayangannyo di teras balakang rumah. Langsuang lah bapaluak anak cako. Dan bapareso talingonyo.
Bersambung ...
Tidak ada komentar:
Posting Komentar