Tek Nun Tajilapak

#tantanganharike14
#tantanganmenulismediaguru

Tek Nun Tajilapak
By Noer

Malu Tek Nun ka bacarito sanak.

"Bapo pulo kok mode tu kini? Biaso ndak baurek malu Tek Nun do. Lah putuih sado alah e. Basangajo malah mamutuih an."

Biasonyo iyo sanak. Tapi samanjak kejadian di pasa siang tadi urek malu Tek nun mulai batawik baliak. Alias manyambuang.

"Tanang se lah. Cukuik se awak baduo nan tau," umbuak Mak Piah.

"Nan sabana e lah ko Mak. Beko tibo kawan amak nan incek labiah tu Amak kecek an lo ka inyo. Jaleh nyo embe tabuak. Malu lah Tek Nun nyo."

"Indak. Tanang se lah. Picayo se lah samo Mak Piah. Kadang Tek Nun antah lo lah, kawan kawan, tapi ndak picayo."

"Ndak sampai bantuak tu bana lo do Mak e. Lai Tek Nun picayo, tapi iyo agak ragu stek."

"Tasarah Tek Nun lah, kok ka ba carito atau indak. Amak pai caliak Hindun cako cah lu. Lai kok lah jago nyo."

Baliak kanan lah Mak Piah cako, sudah tu langsuang bajalan ba gageh-gageh.

"Mak Piaaaaaaah," pakiak Tek Nun sambia mangabik-ngabik.

"Apo juo dek kau lai. Ambo tagageh aaaa," jawek Mak Piah.

Balari lah Tek Nun cako madakek i Mak piah. Mode di kaja anjiang gilo pulo balari.

"Sabanta, Mak. Danga an lah ambo bacarito sabanta."

"Yo kok ka bacarito capek lah. Jan banyak bana gaya. Ambo ka capek. Talambek si Hindun cako pai manggaro habih pulo padi ambo dek buruang beko."

Jadi lah. Nyo mode ko Mak. Carito ko ado hubungannyo jo ambo pai mambali utak ka pasa siang tadi. Dek lah basorak tukang jua dagiang, mako balari lah Tek Nun. Urang lah heboh suok kida. Nan takuik lah tibo sakali. Urang tu banyak, samantaro Tek Nun surangnyo. Mamacik an pisau pulo ciek surang. Iyo ndak talok manantian do. Sakali catuak lah jadi dagiang cancang badan Tek Nun tu.

"Tu baa lai?" Tanyo Mak Piah jo samangaik. Lah lupo jo si Hundun cako.

Balari lah Ten Nun sakuek tanago. Ndak tau nyo tapijak kulik pisang. Yo ndak dapek aka lai Mak. Tajilapak Tek Nun. Ta siantak ikua bahenol Tek Nun. Sipatu lapang-lapang tangguang lo. Salamek lah sipatu ko tabang ka ateh martabak nan sadang di ateh tungku.

Ndak tantu nan ka di sabuik lai Mak. Ndak kama muko ka disuruak an. Mancaliak awak tajilapak basorak pulo urang banyak. Kudoklah luluak pasa tu. Dak lamo sudah tu, tibo lo tukang martabak..."Kudoklah martabak bakeh sipatu ko a," kecek tukang martabak.

Sabana malu Tek Nun. Sudah tajatuah, kanai impok lo jo martabak angek. Antah lah Mak...Cayia...Cayia...

Dek kondisi samakin ndak bakawan, Tek Nun bae tagak sambia ma ambiak sipatu nan subalah cako. Langsuang pai dan ndak ma engong lai. Maluuuuuu...sanak..maluuuuuu😁😁😁

#tantanganmenulis30hari
#mediaguru